Më 07.06.2010 vizitoi  Bashkësinë Islame të Libisë ku për së afërmi u njoftuan për aktivitetet e tyre, në veçanti me shtëpinë e tyre informative (televizionin) dhe me Fakultetin e Thirrjes Islame ku studionin dhjetëra studentë shqiptarë të cilët ishin të kënaqur me kushtet që u ishin ofruar.

Më 06.06.2010 Sekretari i Përgjithshëm i BFI h.Afrim ef. Tahiri zhvilloi një takim me Ministrin e Vakëfit të Libisë.

Më 06.06.2010 Delegacioni i BFI të RM në përbërje të Sekretarit të Përgjithshëm h. Afrim ef. Tahiri, Muftiut të Muftinisë së BFI-Shkup, h. Ibrahim ef. Shabani, Muftiut të Muftinisë së BFI-Tetovë, h.Alifekri ef. Esati dhe Përgjegjësit për marrëdhënje me botën arabe z. Ali Al Baragoni si dhe delegacione të bashkësive islame të Shqipërisë, Kosovës, Bosnjës, Kroacisë etj. zhvilluan takim me liderin e Libisë, Muammer el Gadafi.

11 liderët islam të Ballkanit bashkojnë forcat për të luftuar çdo devijim në islam. Liderët fetarë pjesëmarrës në takim, ku merrte pjesë edhe kryetari i BFI-së në Maqedoni, Reis Ul Ulema, Sulejman ef. Rexhepi ,miratuan një deklaratë të përbashkët ku mes tjerash theksojnë se tubimi ynë shpreh  thirrjen, mesazhin dhe angazhimin tonë për paqe, dashuri e tolerancë.

Motoja e gjithë liderëve është moto e paqes dhe tolerancës.Temat, për të cilat biseduan liderët fetar islame gjatë qëndrimit në Kosovë ishin: Bashkëpunimi në mes bashkësive fetare, roli i fesë në rrethanat aktuale në rajon, bashkëpunimi me bashkësitë tjera fetare, roli i fesë në edukimin dhe fisnikërimin e popullatës si dhe roli i bashkësive fetare në shoqëritë postkonfliktuoze, etj.